Qindra njerëz në stacionin e Lviv në perëndim të Ukrainës merrnin sot trenat e autobuzët drejt Polonisë dhe vendeve të tjera fqinje. Autoritetet polake thonë se 100,000 njerëz kanë ardhur deri tani nga Ukraina që prej nisjes së sulmit ushtarak të Rusisë. "Deri tani janë rreth 115,000 njerëz që kanë kaluar kufirin Ukrainë-Poloni që prej nisjes së luftës”, tha ministri i brendshëm polak Pavel Sefernaker, nga fshati lindor Dorohusk. Kreu i rojeve polake kufitare Tomas Praga tha se rreth 50,000 njerëz kishin hyrë në Poloni vetëm të premten. Polonia kishte të paktën 1.5 milionë rezidente ukrainas që para luftimeve, dhe ka pritur pjesën më të madhe të të larguarve aktuale. "Më shumë se 150,000 refugjatë ukrainas janë larguar tashmë nga vendi, gjysma e të cilëve në Poloni, dhe pjesa tjetër drejt Hungarisë, Moldavisë, Rumanisë," tha zëdhënësi i OKB, Filippo Grandi. Ai shtoi se zhvendosja e popullatës në Ukrainë është në rritje por situata ushtarake e bën të vështirë llogaritjen e shifave dhe dhënien e ndihmës.