Shtetet e bashkuara të Amerikës, Gjermania dhe Britania e Madhe dolën kundër presidentit Francez Emmanuel Macron, duke përjashtuar dislokimin e trupave tokësorë në Ukrainë. Pas qëndrimit të mbajtur nga kreu I Élysée, I cili la të hapur dërgimin e ushtarëve të Nato në territorin ukrainas, I shpejt ishte reagimi I disa prej vendeve anëtare të aleancës së Atlantikut të veriut. Presidenti i SHBA Joe Biden beson se "rruga drejt fitores" është ofrimi i ndihmës ushtarake ndaj Kievit njoftoi Shtëpia e Bardhë përmes një deklarate ndërsa nënvizoi se Uashingtoni nuk do të dërgojë asnjë trup për të luftuar në Ukrainë. Të njëjtin qëndrim mbajti dhe kancelari gjerman Olaf Scholz. Ndërkohë zëdhënësi i kryeministrit të Mbretërisë së Bashkuar Rishi Sunak tha se vendi nuk kishte plane për një dislokim ushtarak në shkallë të gjerë në Ukrainë, përtej numrit të vogël të personelit që tashmë trajnon forcat ukrainase. Reagimeve iu bashkua edhe zyra e kryeministres Giorgia Meloni që mohoi kategorikisht praninë e trupave të NATO në territorin ukrainas. Por Kremlini bëri të qartë se nëse trupat perëndimor do të shkelin në Ukrainë atëherë një konflikt I armatosur mes Rusisë dhe Nato-s do të ishte I pashmangshëm. Pamjet: AFP