Ukraina e refuzoi ofertën ruse për të lejuar dy korridore të sigurta nga qyteti i rrethuar i Mariupolit me kushtin që luftëtatërët ukrainas të dorëzojnë armët. Ishte agjencia ruse e lajmeve TASS ajo që e raportoi ofertën, duke cituar gjeneral-kolonelin Mikhail Mizintsev, kreu i Qendrës së Kontrollit të Mbrojtjes Kombëtare Ruse, që i dha banorëve të qytetit port jugor afat deri në orën 5 të mëngjesit të sotëm për t'u përgjigjur. Zëvendëskryeministrja ukrainase Iryna Vereshchuk e hodhi poshtë kërkesën e Moskës. Nuk mund të flitet për dorëzim E Kemi informuar tashmë palën ruse për këtë. Në vend që të humbisnin kohë me tetë faqe letra, thjesht hapni korridoret. Ndërkohë, të paktën 6 vetë u vranë nga bombardimi i një qendre tregtare në Kiev. Dëshmitarët okularë thonë se dëgjuan zhurma të fuqishme e më pas, një mur gjigand energji u përplas mbi ta, ky ishte përshkrimi i bërë shpërthimit që tronditi kryeqytetin ukrainas.