Ukraina ka nisur një luftw frontale kundër korrupsionit kryesisht ndaj figurave të profilit të lartë, duke përfshirë dhe një nga njerëzit më të pasur të vendit, Ihor Kolomoisky. Shtëpia e ish-ministrit të brendshëm Arsen Avakov u kontrollua gjithashtu. Ukraina ka nisur një aksion kundër korrupsionit dhe zyrtarët thanë se drejtuesit e shërbimit doganor ishin shkarkuar. Kreu i partisë së Presidentit Volodymyr Zelensky në parlament tha se Ukraina do të ndryshojë gjatë luftës. Ukraina është vënë nën presion nga partnerët e saj perëndimorë, veçanërisht BE-ja, për të luftuar korrupsionin. Kur Zelensky erdhi në pushtet në vitin 2019, ai përmendi luftën kundër korrupsionit si një nga prioritetet e tij kryesore. Kyiv do të presë një samit me zyrtarë kryesorë të BE-së këtë javë, i parë nga Ukraina dhe shumë i rëndësishëm për anëtarësimin e saj në unionin europian. Kyivit iu dha statusi i kandidatit për në BE katër muaj pas pushtimit të Rusisë, por iu kërkua të bëjw më shumë për të luftuar korrupsionin. Dhjetë figura kryesore ukrainase dhanë dorëheqjen javën e kaluar, duke përfshirë zëvendës shefin e zyrës së Zelensky. Disa zëvendësministra dhe guvernatorë rajonalë u përjashtuan gjithashtu. Zelensky tha në atë kohë se çdo problem i brendshëm që pengonte shtetin do të pastrohej për të ndihmuar "afrimin e Ukrainës me institucionet evropiane".