Ukraina mund të mos jetë në gjendje t`i mbijetojë luftës me Rusinë, edhe me mbështetjen e SHBA-së: Në një intervistë për Fox News, ku mbrojti vendimin e tij për të tërhequr mbështetjen për Kievën, Donald Trump bëri një përvijim të zymtë të situatës së vendit të përballur prej tre vjetësh me agresion rus. Epo, Ukraina mund të mos mbijetojë gjithsesi. Ne i kemi disa dobësi përballë Rusisë. Dhe tani kemi ngecur në këtë rrëmujë. Trump qe shprehur më herët se Zelensky i kishte marrë “si karamale” paratë nga administrate e mërhershme Biden, dhe përsëriti bindjen se homologu i tij ukrainas nuk ishte “mirënjohës”. Në një shkëputje nga politikat e parardhësit së tij, Trump është përpjekur të pozicionohet drejt qendrës së luftës Rusi-Ukrainë, në një kohë kur politika e mëparshme ishte e palëkundur në mbështetjen e Kievit. Presidenti republikan i ka dhënë përparësi objektivit të tij për të ndërmjetësuar paqen mes dy vendeve në konflikt, dhe beson se një qëndrim më pak armiqësor ndaj Rusisë do ta mundësonte një gjë të tillë. Pjesa më e madhe e fokusit të tij ka qenë tek shtrimi i presionit mbi Ukrainën – të paktën në sytë e publikut. Megjithatë, javën e kaluar, Trumpi kërcënoi me sanksione e ndëshkime të tjera edhe Rusinë, e cila është duke u përballur tashmë me disa prej masave më të ashpra që SHBA-ja ka vendosur ndërmarrë ndonjëherë për shkak të pushtimit të saj të paprovokuar të Ukrainës fqinje.