Ukraina rinisi kalimin e naftës ruse drejt Hungarisë dhe Sllovakisë përmes një tubacioni të saj, duke sjellë kështu edhe fundin e bllokimit të një huaje prej 90 miliardë eurosh që Bashkimi Europian kishte përgatitur për Kievin. Pak pas lajmit se nafta po kalonte sërish, ambasadorët e vendeve të BE-së që po mblidheshin në Qipro i dhanë huasë OK-in fillestar ndërsa mbështetën në të njëjtën kohë paketën e 20-të të sanksioneve ndaj Moskës. Krerët e bllokut pritet ta firmosin dokumentin në një samit jozyrtar të enjten. Edhe pse për paketën e ndihmës jetike për Ukrainën ishte rënë dakord në muajin dhjetor, Viktor Orbán e bllokoi atë me veton e Hungarisë në muajin shkurt, ndërsa Kievi e argumentoi bllokimin e naftës ruse me dëmtimin që kishte pësuar tubacioni sipas tij, nga sulmet ajrore të Rusisë. BBC shkruan se burime nga industria e naftës dhe qeveria ukrainase i thanë zyrtarëve në Hungari dhe Sllovaki se naftësjellësi ishte rihapur vetëm disa orë pasi ambasadorët e BE-së filluan të diskutojnë për huanë. Orban kishte vendosur si kusht rifillimin e furnizimit me naftë përpara se të hiqte veton hungareze ndaj hausë së BE-së për Ukrainën. Kievi konfirmoi se riparimi i naftësjellit kishte përfunduar të martën. Humbja e Orbanit në zgjedhjet e së dielës, që i dha fund epokës së tij 16-vjeçare si kryeministër, duket se e ka qetësuar gjithashtu Bashkimin Europian, në një kohë kur lideri i ardhshëm i vendit, Péter Magyar