Një javë pas përmbytjeve në Durrës, uji është tërhequr nga shumica e zonave. Pas mbeten balta dhe pasojat e shumta. Rreth 1 800 hektarë tokë bujqësore janë ende nën ujë dhe mbi 2 700 banesa janë konstatuar deri tani me dëme nga vërshimi i ujit brenda tyre.Aktualisht, 340 persona të evakuuar janë ende të strehuar në struktura akomoduese, ndërsa rreth 200 të tjerë janë rikthyer në banesat e tyre. Banorët flasin për dëme dhe frikën nga përmbytje të tjera. Pasojat e përmbytjeve duken në çdo rrugë të bashkisë Durrës, si kjo në Katund të Ri. Banorët thonë se reshjet shkaktuan rrëshqitje toke dhe gropa të mëdha dhe kërkojnë investime afatgjata. Ndërkaq, hetimet e Prokurorisë vijojnë për vdekjen e punonjësit 54-vjeçar të bashkisë dhe për shkaqet e përmbytjeve, me fokus edhe hidrovorin e ri në Porto Romano, që dyshohet se nuk ka funksionuar plotësisht, duke përkeqësuar situatën.