Çdo sulm bërthamor ndaj shteteve të Bashkuara apo aleatëve të saj do të çonte me “fundin e regjimit të Kim”, ky ishte paralajmërimi që Uashingtoni I bëri këtë të shtunë Koresë së Veriut. Në një deklaratë të përbashkët SHBA dhe Koreja e Jugut përsëritën qëndrimin ndaj Phenianit pas veprimeve të fundit kërcënuese të ndërmarrë së fundmi. “Çdo sulm bërthamor do të përballet me një përgjigje të shpejtë, dërrmuese dhe vendimtare”, thuhet në deklaratën e lëshuar nga Grupi Konsultues për Çështjet Bërthamore SHBA-Kore e Jugut. Sipas Reuters Koreja e Veriut ka zhvilluar dhe testuar një sërë raketash balistike që mund të arrijnë objektiva të ndryshëm në Korenë e Jugut, Japoni si dhe në kontinentin amerikan. Edhe në muajin Prill, presidenti amerikan Joe Biden bëri një paralajmërim të ngjashëm. Por pavarësisht kësaj, kreu I shtetit koreano-verior, Kim Jong Un ka vijuar me testimet ndërsa ka rritur bashkëpunimin akoma më shumë me Rusinë dhe Kinën. Pak kohë më parë autoritetet koreano-veriore lëshuan me sukses drejt orbitës një satelit ushtarak spiunimi. Kjo gjë ka bërë që ata të pretendojnë se kanë siguruar pamje të të gjitha bazave të mëdha ushtarake të Shba-së si dhe fqinjëve të tyre koreano-jugor.