Shteti Islamik ka marrë përgjegjësinë e sulmit me armë zjarri ndaj turistëve në provincën Bamiyan në Afganistan, ku humbën jetën tre shtetas spanjollë e një tjetër mbeti i plagosur. Abdul Matin Qane, zëdhënësi i Ministrisë së Brendshme afganë në qeverinë talebane të vendit pohoi se për ngjarjen janë arrestuar sit ë dyshuar 4 persona. Përveç tre turistëve të huaj, i vrarë mbeti edhe një qytetar afgan, dhe u plagosën edhe katër të huaj dhe tre afganë, sipas Qanes.Në Bamiyan ndodhet një zone e mbrojtur nga UNESCO dhe mbetjet e dy statujave të mëdha të Budës, të cilat u hodhën në ajër nga talibanët gjatë sundimit të tyre paraprak më 2001.Turistja franceze Anne-France Brill, një nga dhjetëra udhëtarët e huaj që ndodheshin aty për një vizitë të organizuar, tha se një person i armatosur në këmbë iu afrua automjeteve të grupit dhe hapi zjarr.“Kishte gjak kudo”, rrëfeu 55 vjecarja. “Një gjë është e sigurt,” pohoi ajo, agresori ishte aty posacërisht “për të huajt”.Që kur rimarrjes së pushtetit në vitin 2021, talebanët janë zotuar të rivendosin sigurinë dhe janë përpjekur të inkurajonë numrin e vogël të turistëve në vend, që së fundi kishte nisur të pësonte rritje. Sulmi i së premtes ishte ndër më seriozët që shënjestronin shtetasit e huaj që prej instalimit të qeverisë talebane, e cila u zotua “se të gjithë kriminelët do të gjenden dhe ndëshkohen”.