Kryeministri norvegjez Jonas Gahr Store (Jonas Gër Store) ka thënë se aeroplani me të cilin po udhëtonte presidenti ukrainas Volodymyr Zelensky nga Moldavia drejt Oslos, për pak nuk u godit nga një dron. Zelensky vizitoi Norvegjinë të martën në mbrëmje për të marrë pjesë në funeralin e mbretit të ndjerë norvegjez, Harald i Pestë. “Aeroplani me të cilin po udhëtonte gati sa nuk u godit nga një dron kur po ngrihej nga Moldavia”, tha Store. “Ky është realiteti në të cilin ai jeton”. Store nuk tha se cili ishte burimi i këtij informacioni apo sa pranë avionit ishte droni. Gjatë qëndrimit në Oslo, Zelensky zhvilloi bisedime me Storen, ndërsa të dy liderët u takuan gjithashtu me drejtues të industrisë së mbrojtjes për të diskutuar avancimin e një sistemi evropian kundër raketave balistike, me emrin e koduar FREYJA.