Ish-kancelarja gjermane, Angela Merkel, ëhstë vlerësuar me çmim për "guximin e saj të madh moral dhe politik" në mbështetjen e azilkërkuesve. 68-vjeçarja mori shumë vlerësime teksa iu dha çmimi Nansen nga agjencia e OKB-së për refugjatët (UNHCR) të martën. Gjatë mandatit të Merkelit, Gjermania mirëpriti më shumë se 1.2 milionë refugjatë dhe azilkërkues në kulmin e krizës së emigrantëve 2015-2016. Në atë kohë, Merkel tha se fluksi ishte "një provë për vlerat tona evropiane si rrallë herë më parë". "Ishte një udhëheqëse e vërtetë që bëri thirrje për dhembshurinë e të gjithëve ne, duke qëndruar e palëkundur kundër atyre që predikonin frikën dhe diskriminimin. Ajo tregoi se çfarë mund të arrihet kur politikanët ndjekin rrugën e duhur dhe punojnë për të gjetur zgjidhje për sfidat në vend që thjesht të zhvendosin përgjegjësinë tek të tjerët.", tha shefi i UNHCR-së Filippo Grandi . Merkel do të marrë çmimin e saj -- i cili vjen me një shpërblim prej 151,000 eurosh -- gjatë një ceremonie në Gjenevë, Zvicër më 10 tetor. Pamjet: AFP