Vdekja e ish shefit të antidrogës, njëkohësisht oficeri i lartë i policisë së Ulqinit, Rudolf Elezovic, vazhdon të mbetur e rrethuar me mister. Policia e malit të Zi e gjeti trupin e tij të pajetë disa ditë më parë në Lumin Buna, në kufi me Shqipërinë. “Autopsia vertetoi se bëhët fjalë për oficerin Elezovic dhe Prokuroria e Lartë e Shtetit në Podgoricë po punon për zbardhjen e rastit”, thuhet në njoftimin e drejtorisë policore. Mediat vendase shkruajne se polici kishte një plagë plumbi në kokë, por në vendngjarje nuk u gjet asnjë armë. Ato pretendojnë se Elezovic e kishte lënë armën e shërbimit në shtëpi dhe ka dalë të takojë një person të panjohur për famijarët, të cilëve u ka thënë se do të shkonte në Shkodër e do të kthehej shpejt. Mendohet që mund të ketë qenë një kurth. Zhdukjen e 54 vjecarit e raportoi e shoqja, Marina që në 27 maj. Mëesohet se kohët e funditk Elezovic kishte punuar në sektorin e anti-trafikut në Policinë Kufitare të Malit të Zi dhe kishte hetuar trafikun dhe goditjen ndaj trafikantëve në të dyja anët e kufirit në bazë të marrëveshjes dypalëshe. Autoritetet malazeze nisën menjëherë hetimet duke kërkuar bashkëpunim dhe mbështetje edhe nga autoritetet shqiptare.