Pas 17-ditësh ekipet e shpëtimit në Indi kanë mundur të nxjerrin në gjendje të mirë shëndetësore 41 punëtorët që ishin bllokuar në një tunel në shtetin Uttarakhand. Ata dolën të gjithë në gjendje të mirë shëndetësore. Për nxjerrjen e punëtorëve të ndërtimit nga tuneli Silkyara që u shemb, u përdor një tub me diametër 90 centimetra I cili u fut përmes rrënojave. Më pas u bë e mundur tërheqja një e nga një e të gjithë personave të bllokuar. Të gjithë ata mundën të dilnin pa u dëmtuar, ndërsa u transportuan me ambulance për t’iu nënshtruar kontrolleve mjekësore. “Jam plotësisht i lehtësuar dhe i lumtur pasi 41 punëtorë të bllokuar janë shpëtuar me sukses," tha në një deklaratë Ministri i Transportit Rrugor Nitin Gadkari, I cili shtoi se përpjekja ishte mirë-koordinuar dhe se u angazhuan agjenci të shumta nga vende të ndryshme të botës. Misioni i shpëtimit u përball me pengesa të shumta. Kjo pasi gërmimi ishte pothuajse I pamundur për shkak se makineritë u dëmtuan shpesh duke e bërë të pamundur operacionin. Për të mbajtur gjallë punëtorët, ekipet e shpëtimit përdorën një tub të ngushtë nga ku furnizonin me oksigjen, ushqime dhe rroba të thata të gjithë burrat. Pamejt: AFP