Qindra njerëz marshuan paqësisht në periferi të Parisit të enjten për të kërkuar drejtësi për një adoleshent i cili humbi jetën pas përpkasjes me një makinë policie. Vdekja e Ëanys R. ka ndezur tensione teksa Franca po bëhet gati për mbajtjen e lojërave olimpike këtë verë. Policia më 13 mars ndoqi një motoçikletë që drejtohej nga18-vjeçari që sipas uniformave blu, nuk respektoi rregullat e qarkullimit rrugor. Një video e shpërndarë gjerësisht në internet tregonte një makinë policie duke goditur skuterin e tij, duke I shkaktuar vdekjen adoleshentit ndërsa mbeti I plagosur miku I tij. Policia dhe hetimet e deritanishme thonë se ka qenë një aksident, por familja e tij i ka akuzuar se kanë goditur “qëllimisht” skuterin. Vëllai i tij më i madh, i cili nuk donte të jepte emrin e tij, foli për shtypin në shkallët e bashkisë së La Courneuve. "Vëllai im i vogël u vra nga policia. Ata vendosën t'i marrin jetën padrejtësisht," tha ai me fytyrën e mbuluar me maskë të zezë dhe syze dielli. "Ne po kërkojmë vetëm drejtësi. Asnjë dhunë, asnjë teprim," tha ai përpara nisjes së marshimit.