Në momentin kur dukej një diferencë e thellë qëndrimesh mes maxhorancës dhe opozitës për procesin e anëtarësimit të Shqipërisë në BE, në Parlament doli tym i bardhë papritmas. Janë të pakta rastet kur në parlamentin e Shqipërisë arrihet konsensus mes PS dhe PD për dokumente te përbashkëta, sic ndodhi paraditen e kësaj të enjteje me rezolutën për integrimin. Rezoluta parashikon bashkëpunim gjithëpërfshirës dhe angazhim për avancim të integrimit. Por si u arrit kjo dakortësi në kulmin e dabateve kur opozita në javët e fundit ka folur për bllokim të integrimit dhe mos kalimin e provimi IBAR, ndërsa maxhoranca ka deklaruar se është vazhdim normal i negociatave me BE. Gjatë 48 orëve të fundit Top Channel mëson se dy protagonistët e dakortësisë janë Taulant Balla dhe Gazment Bardhi. Mes tyre ka patur një telefonatë nga ku Balla është shprehur i gatshëm për të parë propozimet e opozitës duke ngritur një grup pune në komisionin e punëve të jashtëme me Ilda Zhulalin këshilltare e grupit të PD dhe edmond Haxhinasasto nga opozita dhe Erion Malaj me Romina Kukon nga maxhoranca. Mësohet se propozimet e opozitës kanë pësuar ndryshime në formulim duke arritur në një produkt final që i ka shkuar për votim parlamentit dhe pritet të miratohet në orët e mëvonshme. Draft rezoluta ka marrë edhe bekimin e Edi ramës dhe Sali Berishës, një zë kritik konstant se si qeveria po vepron me integrimin europian.