Një grup ekspertësh ushtarakë amerikanë kanë mbërritur në Ukrainë për ta ndihmuar vendin të përmirësojë sistemet e mbrojtjes ajrore. Lëvizja vjen në një kohë përshkallëzimi të tensioneve me Rusinë, dhe frikës së një sulmi të mundshëm të Moskës mbi fqinjin e saj më të vogël, i cili mbështetet fort tek ndihma e aleatëve si mënyra e vetmja për t`i ballë një agresioni rus. Specialistët e SHBA-së janë duke verifikuar se ku çalon mbrojtja ukrainase, ndërkohë që për Kievin diskutohet edhe një financim i jashtëm ushtarak. Planet e Ukrainës për të përmirësuar sistemet e vetë të mbrojtjes janë afatmesme, megjithate koha nuk premton dhe tani, ka nevojë urgjente për ndërhyrje në mënyrë që të forcojë kapacitetet e saj. Zyrtarët ukrainas dhe perëndimorë janë të shqetësuar se shtimi i trupave ruse pranë Ukrainës mund të sinjalizojë planet e Moskës për te mesymje. Kremlini këmbëngul se nuk ka një qëllim të tillë dhe ka akuzuar Ukrainën dhe mbështetësit e saj perëndimorë se kanë ngritur pretendime për të mbuluar planet e tyre të supozuara agresive. Nuk është e qartë nëse përqendrimi i trupave ruse paralajmëron një sulm të afërt. Presidenti Vladimir Putin i ka kërkuar Perëndimit që të përjashtojnë mundësinë e anëtarësimit të Ukrainës në NATO, ndaj shtimi i trupave në kufi mund të reflektojë përpjekjen ruse në mbështetje të mesazhit të saj.