Donald Trump e zgjati armëpushimin me Iranin, kjo Rojet Revolucionare Islamike duket se po e testojnë durimin e tij. IRGC njoftoi sot se forcat e saj kanë kapur dy anije në Ngushticën e Hormuzit, të cilat i kanë transferuar më pas në ujëra iraniane. Anijet në fjalë, sipas palës iraniane, dyshohet se po lëviznin pa autorizimin e duhur, duke shkelur rregullat, duke manipuluar sistemet e lundrimit, e duke rrezikuar kësisoj sigurinë detare gjatë përpjekjes për të dalë fshehtas nga Ngushtica e Hormuzit. Ato, thuhet në njoftim, u ndaluan “në përputhje me mbrojtjen e të drejtave kombëtare të Iranit.” Sipas mediave iraniane një anije e tretë me pronësi greke është shënjestruar nga IRGC dhe tani thuhet se është “jashtë funksionit pranë bregut iranian.” CNN thotë se sekuestrimet nuk janë konfirmuar nga burime të pavarura. Më herët, UKMTO, një organ i Mbretërisë së Bashkuar që monitoron lundrimin ndërkombëtar dhe sigurinë e anijeve tregtare, pohoi më herët se ishin qëlluar dy anije me kontejnerë. Edhe pse e zgjati në mënyrë të njënashme armëpushimin, Trump deklaroi shtoi se bllokada e porteve iraniane, e cila e ka zemëruar Teheranin, do të vijojë të mbetet në fuqi. Teherani vetë këmbëngul se nuk do t’i rifillojë bisedimet pa u hequr bllokada, ndërsa SHBA-ja ka deklaruar se nuk do ta heqë atë derisa të nënshkruhet një marrëveshje paqeje.