Zbehen shpresat për marrëveshje paqeje në Lindjen e Mesme. Presidenti i Shteteve të Bashkuara të Amerikës, Donald Trump, hodhi poshtë ofertën e Iranit për negociata, duke deklaruar se bllokada në Ngushticën e Hormuzit do të mbetet në fuqi, derisa të arrihet një marrëveshje bërthamore, raporton Axios. Për momentin, presidenti e konsideron mbajtjen e bllokadës si levën e tij kryesore të presionit, por disa burime, të cilëve iu referohet Axios”, thonë se ai do të merrte në konsideratë veprime ushtarake, nëse Irani vazhdon të rezistojë. "Ata po mbyten si një derr i mbushur me mish të thatë. Dhe vetëm sa do të përkeqësohet për ta. Ata duan ta përfundojnë çështjen. Ata nuk duan që unë ta vijoj bllokadën. Unë nuk dua ta heq atë, sepse nuk dua që ata të kenë një armë bërthamore. Ata nuk mund të kenë një armë bërthamore". Më herët, gjatë të mërkurës, presidenti Trump publikoi në platformën Truth Social një imazh të vetes, të përpunuar me AI, ku shfaqet duke mbajtur një armë dhe duke veshur syze dielli aviatori, shoqëruar me një paralajmërim për Iranin. “Jo më zoti Djalë i Mirë”, ishte mbishkrimi në imazh ku shfaqet flamuri amerikan dhe pamje shpërthimesh.