Presidenti amerikan, Donald Trump, ka shprehur zhgënjimin e tij me udhëheqësit evropianë, duke thënë se ata duhet të përqendrohen te lufta e Ukrainës, në vend që të merren me Groenlandën. "Europa duhet të përqendrohet te lufta me Rusinë dhe Ukrainën, sepse, sinqerisht, e shihni se çfarë ka sjellë kjo. Kjo është ajo kua ta duhet të përqendrohet Evropa, jo te Groenlanda” Në intervistën e dhënë për “NBC News” ai nuk ka pranuar të thotë nëse do ta përdorë forcën për të pushtuar Groenlandën, por as nuk e ka mohuar atë. Presidenti i SHBA gjithashtu ka këmbëngulur se do të vazhdonte "100%" me planet e tij për të goditur kombet evropiane me tarifa nëse nuk e merr nën kontroll ishullin arktik. Më herët kreu i Shtëpisë së Bardhë ka përsëritur gjithashtu zhgënjimin e tij me Norvegjinë për çmimin “Nobel” për Paqe, duke thënë se "Norvegjia e kontrollon plotësisht atë pavarësisht asaj që thotë". "Ata pëlqejnë të thonë se nuk kanë të bëjnë fare me çmimin “Nobel”, por kanë të bëjnë plotësisht me të", është shprehur Trumpi.