Presidenti amerikan Donald Trump, kritikoi ashpër kompanitë e mëdha të naftës duke deklaruar se po fitojnë "shumë para" si pasojë e çmimeve të larta të shkaktuara nga lufta me Iranin. Trump u bëri thirrje gjigantëve të naftës që t'ia kthejnë një pjesë të këtyre fitimeve publikut dhe të ulin çmimet e benzinës për konsumatorët, duke tentuar të zbutë një pikë të dobët politike përpara zgjedhjeve të rëndësishme të mesit të mandatit në nëntor. Kompania ExxonMobil i dyfishoi fitimet e saj në tremujorin e dytë duke kapur vlerën 14.5 miliardë dollarë, ndërsa Chevron i pesëfishoi ato në 12.1 miliardë dollarë. Çmimi mesatar i një galoni benzine në SHBA është rritur me mbi 37 për qind që nga shpërthimi i luftës në fund të shkurtit, ku sulmet hakmarrëse të Iranit kanë bllokuar Ngushticën jetike të Hormuzit në Gjirin Persik. Edhe pse njihet si mbështetës i karburanteve fosile, Trump njoftoi se ka urdhëruar Departamentin e Drejtësisë të hetojë çdo "mashtrim" apo spekulim të mundshëm të kryer nga industria e naftës.