Presidenti i Shteteve të Bashkuara të Amerikës, Donald Trump, kërcënoi rebelët Huthi të Jemenit, duke thënë se “do të kujdeset” për ta, nëse bllokojnë portet saudite. “Nëse ndodh diçka e tillë, ne kujdesemi për të”, u tha Trump gazetarëve gjatë një takimi në Shtëpinë e Bardhë me presidentin libanez. Po ashtu, Presidenti Trump u betua se do të vazhdojë sulmet ndaj Iranit, ndërsa parashikoi se vendit u duheshin më shumë se 20 vjet për t’i rindërtuar. "Por ne nuk kemi mbaruar... nuk po largohemi tani", u shpreh Trump. Ndërkohë, sirenat e alarmit u aktivizuan në të gjithë Bahreinin, tha ministria e brendshme e vendit të martën në mbrëmje. “Qytetarëve dhe banorëve u kërkohet të qëndrojnë të qetë, të shkojnë në vendin më të afërt të sigurt dhe të ndjekin përditësimet përmes kanaleve zyrtare”, tha ministria në X.