E kanë quajtur “sozia albine” e Donad Trumpit; mjaftoi që pamjet e tij të shfaqeshin një herë në rrjetet sociale dhe tani po bëjnë xhiron e botës. Ne te vertet, bëhet fjalë për një shitës akulloresh në Pakistan. Burri nga provinca e Panxhabit shihet aty ndërsa shet akullore, dhe nuk do të ishte bërë ndonjëherë personazh i njohur në mediat sociale po të mos ishte për ngjashmërinë befasuese me ish presidentin amerikan. Vendasit duket kishin disa kohë që e quanin “Trump”, por tani këtë po e sheh dhe pjesa tjetër e botës. Komentet plot humor nuk munguan. “Pas humbjes së zgjedhjeve, Trumpi i hyri një biznesi të ri, shet akullore në Pakistan”, shkruante një prej tyre. Ndërsa disa të tjerë, edhe pse burri dukej në formë mjaft të mirë shëndetësore, u shqetësuan për faktin që ishte ekspozuar aq shumë në diell dhe rrezet mund ta dëmtojnë lëkurën e tij.