Të shtënat në darkën vjetore të korrespondentëve të Shtëpisë së Bardhë, e mbajtur në hotelin “Ëashington Hilton” mbrëmjen e së shtunës kishin në shënjestër presidentin amerikan Donald Trump, por edhe zyrtarë të tjerë të pranishëm në eventin më të rëndësishëm të jetës politike dhe mediatike në SHBA. Deklarata u bë nga Prokurori i Përgjithshëm, Todd Blanche, i cili thotë se motivi i personit të dyshuar të sulmit është ende nën hetim, por gjetjet "paraprake" sugjerojnë se 31 vjeçari i arrestuar tashmë, Cole Tomas Allen kishte në shënjestër zyrtarë të administratës, përfshirë edhe presidentin. Hetuesit, sipas kryeprokurorit po shqyrtojnë raportet se personi i dyshuar i armatosur i ka grumbulluar armët në hotel. Ai shton se i dyshuari ka të ngjarë të ketë udhëtuar me tren nga Los Anxhelosi në Çikago dhe më pas në Uashington DC. Ai konfirmon gjithashtu se i dyshuari do të akuzohet zyrtarisht të hënën.