Presidenti amerikan, Donald Trump, ka minimizuar publikisht rreziqet që paraqet Inteligjenca Artificiale (IA), duke u thënë gazetarëve gjatë një vizite në Irlandë se deklaratat e bëra sëfundmi janë të ekzagjeruara. Ndërsa ekspertët dhe krerët e industrisë po lëshojnë paralajmërime të forta për sigurinë e njerëzimit, Trump u shpreh se zhvillimi i kësaj teknologjie nuk duhet të ndalet, pasi përballja strategjike me Kinën mbetet prioriteti kryesor i SHBA-së. “Keni shumë forca shumë negative që po e ngrenë në diskutim, të cilat nuk duhet ta ngrenë në diskutim dhe po ngrenë çështje që nuk do të ndodhin”, deklaroi Trump. Pa adresuar drejtpërdrejt thirrjet për të frenuar ritmin e kërkimeve, ai nënvizoi rëndësinë e dominimit gjeopolitik në këtë fushë: "Ne po e udhëheqim ndaj Kinës me inteligjencën artificiale dhe, sinqerisht, dua ta mbaj kështu sepse kushdo që fiton inteligjencën artificiale, fiton." Qëndrimi i kreut të Shtëpisë së Bardhë vjen në të njëjtën ditë kur studiuesi i inteligjencës artificiale, Jacob Coxon, bëri një deklaratë tronditëse për BBC. Coxon, i cili sapo u largua nga kompania e njohur Anthropic dhe ka punuar më parë edhe në OpenAI, tregoi se stafi që po zhvillon sistemet e avancuara është "vërtet i frikësuar" për të ardhmen e njerëzimit. Sipas tij, nëse ritmi aktual i zhvillimit vazhdon i pakontrolluar, ekziston një rrezik real dhe i afërt për një katastrofë globale. Coxon u shpreh se mirëpret idenë e një pauze apo ngadalësimi të industrisë, por theksoi se një hap i tillë do të ishte efektiv vetëm nëse koordinohet në mënyrë të rreptë edhe me Kinën. Elon Musk, pronar i xAI, dhe Sam Altman, drejtuesi i OpenAI, u rreshtuan në krah të kreut të Anthropic,