“Rusia ka pranuar një armëpushim të pjesshëm për t’i ndalur të gjitha sulmet në disa qytete të Ukrainës për një javë”, njoftoi presidenti amerikan Donald Trump. Kreu i Shtëpisë së Bardhë e tha këtë në një mbledhje të kabinetit ndërsa saktësoi se “i kishte kërkuar Vladimir Putinit të mos godasë në Kiev dhe qytete të tjera për një javë”. Sipas Trumpit, “Putin e ka pranuar kërkesën e tij”. Presidenti amerikan theksoi se e bëri këtë kërkesë për shkak të temperaturave të ulëta me të cilat po përballen ukrainasit, në kohën kur Rusia ka goditur infrastrukturën kritike duke lënë qindra mijëra qytetarë pa ngrohje.