Irani u ka paraqitur ndërmjetësve pakistanezë një propozim të ri për t'i dhënë fund luftës me Shtetet e Bashkuara, në përpjekjen e fundit për të thyer bllokimin në negociata. Mediat shtetërore iraniane raportojnë se Teherani ia dorëzoi ofertën Pakistanit, për t'ia kaluar Uashingtonit, megjithëse përmbajtja e saj nuk është bërë publike Shtëpia e Bardhë nuk pranoi të komentojë mbi propozimin e ri, duke thënë vetëm se diskutimet vazhdojnë. Pak më vonë, reagoi vetë presidenti amerikan Donald Trump, që u shpreh i pakënaqur me propozimin e fundit të Iranit dhe hodhi dyshime nëse zyrtarët iranianë do të "arrijnë ndonjëherë" një marrëveshje. Donald Trump - Irani kërkon një marrëveshje sepse nuk kanë më ushtri, por unë nuk jam i kënaqur. Irani ka dy mundësi, ose marrëveshje, ose t’I shpërthejmë dhe t’i zhdukim shpërthejmë Nga ana tjetër, propozimi i ri u pa nga qeveria e Pakistanit si një rezultat i diplomacisë së saj energjike të fshehtë. Roli i Islamabadit ndryshoi ditët e fundit në detyrën e profilit më të ulët, por urgjente, të kalimit të mesazheve midis dy palëve, bisedimet e drejtpërdrejta ngecën. Ndërsa zyrtarët iranianë shpresojnë se Trump do të dëshirojë t'i japë fund konfliktit para samitit të tij me Xi Jinping, presidentin kinez, më 14-15 maj. Ndërkohë, më herët, Departamenti amerikan i Thesarit paralajmëroi sot se çdo kompani transporti detar që i paguan Iranit për kalimin e sigurt të anijeve të tyre përmes Ngushticës së Hormuzit, madje edhe përmes donacioneve bamirëse për organizata të tilla si Shoqata e Gjysmëhënës së Kuqe Iraniane, rrezikon masa ndëshkuese. Teherani ka propozuar që anijet që kalojnë nëpër Ngushticë të paguajnë para, si pjesë e propozimeve për t’i dhënë fund luftës SHBA-Izrael kundër Iranit.