Ish-presidenti i SHBA-së Donald Trump është nisur tashmë drejt gjykatës, për tu përballur me 37 akuza, teksa hetuesit janë shprehur se ka përgjime telefonike. Trump u parqit në Aeroportin Ndërkombëtar të Miamit për të nisur fluturimin. Pasditja e ditës së sotme do të ketë një seancë dëgjimore mbi akuzat federale për keqpërdorimin e dokumenteve sekrete. Ai po përballet me akuzat, duke përfshirë shkelje të Aktit të spiunazhit, deklarata të rreme dhe konspiracion në lidhje me keqpërdorimin e materialeve të klasifikuara pas largimit nga detyra. Paraqitja e ish-liderit amerikan do të shënojë herën e tij të dytë në pak muaj që përballet me një gjykatës për akuza penale. Pas paraqitjes së tij në gjykatë, ai do të kthehet në Neë Jersey, ku ka planifikuar një deklaratë për shtyp për t'iu përgjigjur publikisht akuzave. Departamenti i Drejtësisë zbuloi të premten një aktakuzë që akuzon Trumpin me 37 akuza për krime, 31 në lidhje me mbajtjen e qëllimshme të informacionit të mbrojtjes kombëtare. Akuza të tjera përfshijnë konspiracion për të kryer pengesë dhe deklarata të rreme. Aktakuza pretendon se Trump ka mbajtur qëllimisht qindra dokumente të klasifikuara që ai i mori me vete nga Shtëpia e Bardhë në pronën e tij në Florida, Mar-a-Lago, pasi u largua nga Shtëpia e Bardhë në janar 2021. Materiali që ai ruante, përfshinin materiale mbi programet bërthamore, aftësitë e mbrojtjes dhe armëve të SHBA-së dhe qeverive të huaja dhe një "plan sulmi" të Pentagonit. Hetuesit kanë deklaruar se nëse informacioni ekspozohej, mund të vinte në rrezik anëtarët e ushtrisë dhe metodat e mbledhjes së inteligjencës. Pamjet: AFP