Presidenti amerikan, Donald Trump dëshiron të zvogëlojë aparatin qeveritar. Ai nisi të nënshkruajë dekretet sapo erdhi në detyrë dhe kërkon edhe shpejtësi në zbatimin e tyre. Por pikërisht këtu Trump po has në rezistencë. Një gjykatës federal në Boston, Massachusetts, e ka bllokuar përkohësisht përpjekjen për të detyruar rreth dy milionë punonjës të qeverisë të japin dorëheqjen vullnetarisht. Punonjësit e ministrive dhe autoriteteve në fakt duhej të vendosnin deri në mesnatën e së premtes (07.2.) nëse do të largoheshin me efekt të menjëhershëm nga puna, e do të paguheshin më tej deri në shtator – apo nëse do donin të rrezikonin të pushoheshin nga puna në muajt e ardhshëm. Gjykata Federale aktualisht tani e ka zgjatur afatin dhe ka caktuar një seancë tjetër për këtë të hënë. Por, presioni për të lënë dorëheqjen është rritur ditët e fundit nga emailet shtesë dhe përpjekjet e tjera për frikësimin e punonjësve. Madje edhe punonjës të Policisë Federale FBI dhe agjencisë së inteligjencës së huaj, CIA morën gjithashtu emaile, raporton DW.