Kur vjen puna tek Kina dhe marrëdhëniet që Shtetet e Bashkuara të Amerikës duhet të kenë me të, si zëvendës presidentja Kamala Harris, ashtu edhe rivali i saj në garën presidenciale, Donald Trump e cilësojnë konkurente të fortë tregtare. Por së fundmi Donald Trump ka deklaruar se do të taksojë më shumë makinat elektrike të Kinës. Trump foli për tarifa nga 150% në 200%. Kjo përgjigje e ashpër tha ai në një intervistë për Ëall Street Journal nuk do kursehet në rast se Kina vendos të aneksojë Tajvanin.Duke vijuar Donald Trump ka shtuar se nëse ai kthehet në Shtëpinë e Bardhë, rivali më i madh gjeopolitik i SHBA-ve, Kina nuk do të guxonte ta provokonte me Tajvanin. Trump madje shtoi se presidenti kinez Shi xhiping nuk do guxonte të përdorte forcën ushtarake për të aneksuar Tajvanin, sepse "më respekton dhe ai e di që jam i çmendur”. Kandidati republikan ka argumentuar ndër të tjera se kundërshtarët e Amerikës nuk do të vepronin kundër interesave të SHBA-ve nën një presidencë të re të Donald Trump, sepse ata do të kishin frikë nga një përgjigje e fuqishme, madje edhe e paparashikueshme. Trump u zotua ndër të tjera të vijojë betejat tregtare dhe se do t’i jap fund për përfshirjes së Shteteve të Bashkuara në luftën Rusi-Ukrainë. Në linjën e politikës së tij të jashtme do të jetë “Amerika e para” megjithëse kritikët thonë se ajo është izolacioniste.