Presidenti i Shteteve të Bashkuara, Donald Trump, i përgjigjet ashpër homologut ukrainas, Volodymyr Zelensky, i cili tha se “Ukraina nuk do ta njohë ligjërisht pushtimin e Krimesë”, duke e paralajmëruar se mund të humbasë vendin e tij. “Askush nuk po i kërkon Zelenskyt ta njohë Krimenë si territor rus, por, nëse ai e do Krimenë, pse nuk luftuan për të njëmbëdhjetë vjet më parë kur iu dorëzua Rusisë? Janë deklarata nxitëse si ajo e Zelenskyt që e bëjnë kaq të vështirë zgjidhjen e kësaj lufte. Ai nuk ka asgjë për t'u mburrur! Situata për Ukrainën është e tmerrshme - ai mund të ketë paqe ose, mund të luftojë për tre vjet të tjerë para se të humbasë të gjithë vendin”, shkruan Trump. Presidenti Trump shton më tej se nuk po e bën këtë për Rusinë, por po përpiqet vetëm të shpëtojë jetën e njerëzve që po vriten në luftë. “Unë nuk kam të bëj fare me Rusinë, por kam të bëj me dëshirën për të shpëtuar, mesatarisht, pesë mijë ushtarë rusë dhe ukrainas në javë, të cilët vdesin pa asnjë arsye. Deklarata e bërë nga Zelensky veçse do ta zgjasë "fushën e vrasjes" dhe askush nuk e dëshiron këtë!”, shton Trump. Kreu i Shtëpisë së Bardhë kërkon që Ukrainë të dalë nga “kjo rrëmujë”, siç e quan Trump”, duke shtuar se dy vendet janë pranë një marrëveshjeje, e cila duhet të përfundojë.