Presidenti amerikan Donald Trump këmbëngul për aneksimin e Groenlandës, duke thënë se është e nevojshme për sigurinë ndërkombëtare. “Ne kemi nevojë për Grenlandën për sigurinë ndërkombëtare. Ne kemi nevojë për të”, deklaroi republikani dy ditë përpara vizitës së Zëvendës Presidentit J.D. Vance në këtë territor autonom danez. “Ky është një ishull që na duhet nga një perspektivë mbrojtëse dhe sulmuese. Unë e urrej ta them, por ne do të duhet të marrim këtë rajon të gjerë Arktik”, theksoi Trump. Së fundmi ka reaguar edhe kryeministrja daneze, e cila thotë se SHBA po ushtron presion mbi Groenlandën dhe Danimarken. “Është e qartë se nuk është një vizitë që ka të bëjë me atë që ka nevojë Groenlanda ose çfarë dëshiron Grenlanda nga një vizitë. Është një presion krejtësisht i papranueshëm ndaj Groenlandës, politikanëve dhe popullsisë së vendit, por është gjithashtu ndaj Danimarkës”, tha ajo. Që nga marrja e mandatit të dytë si President i SHBA, Trump ka shprehur dëshirën marrjen e Groenlandës, gjë që është kundërshtuar nga qeveria dhe populli groenlandezë.