Donald Trump urdhëroi dërgimin e trupave shtesë të Gardës Kombëtare e për herë të parë edhe të marinsave në Kaliforni, në një lëvizje që kërcënon përshkallëzimin e tensioneve. Pasi një komandë rajonale përgjegjëse njoftoi për vendosjen e rreth 700 marinsave nga forcat e armatosura të rregullta në mbrëmje, Ministria e Mbrojtjes njoftoi vetëm disa orë më vonë: "se me udhëzim të presidentit mobilizon edhe rreth 2000 pjesëtarë shtesë të Gardës Kombëtare kaliforniane.Trupat shtesë të Gardës Kombëtare do të dislokohen për të mbështetur Agjencinë e Imigracionit dhe Doganave (ICE) dhe për t'u mundësuar oficerëve federalë të kryejnë detyrat e tyre në mënyrë të sigurt, thuhet në deklaratë. Trumpi më herët foli për "agjitatorë profesionistë dhe rebelë” si shkaktarë të përplasjeve; ai shtoi se demonstruesit pështynë para ushtarëve dhe tha se nëse do të vazhdonin kështu, do të "goditeshin më fort se kurrë më parë".