Ish-presidenti i Shteteve të bashkuara, Donald Trump, ka fajësuar retorikën e rivalëve të tij Joe Biden dhe Kamala Harris për nxitje të sulmit të fundit ndaj tij, duke thënë se “i dyshuari i armatosur veproi për shkak të gjuhës shumë nxitëse të demokratëve”. “Ai i besoi retorikës së Bidenit dhe Harrisit dhe veproi sipas asaj që dëgjoi. Retorika e tyre po më bëjnë shënjestër, por unë jam ai që do ta shpëtojë vendin dhe ata janë personat që do ta shkatërrojnë vendin – si nga brenda ashtu edhe nga jashtë”, ka deklaruar Trump. Republikani tha komentet e kaluara të Bidenit dhe Harrisit e konsiderojnë atë si “kërcënim për demokracinë”. “Ata janë kërcënimi i vërtetë”, deklaroi thënë Trump. Si Biden ashtu edhe Harris thanë se janë shumë të lumtur që Trump është mirë dhe kanë dënuar dhunën në politikë. FBI konfirmoi se të dielën pati një ndaj ish-presidentit Trump në një fushë golfi në Florida. Sipas autoriteteve lokale pjesëtarë të shërbimit sekret të SHBA-së kanë gjuajtur në drejtim të një njeriu që po drejtonte një armë të stilit AK-47 në drejtim të Trumpit. Pas kësaj u arrestua autori I dyshyar, Rajan Ruth, i cili u paraqit të hënën në gjykatë. Ndaj tij janë ngritur akuza për krim me armë