Presidenti Donald Trump ka hedhur poshtë me forcë raportimet mbi një mungesë të mundshme të municioneve në ushtrinë amerikane, duke garantuar se vendi zotëron dhe po prodhon sasi të mëdha arsenali. Trump paralajmëroi dënime afatgjata me burg për zyrtarët që dyshohen se kanë nxjerrë informacione sekrete mbi gjendjen e Pentagonit. Ky reagim vjen në një kohë kur administrata e tij po përballet me presione dhe pyetje në rritje, teksa konflikti ushtarak midis SHBA-së dhe Iranit ka hyrë tashmë në muajin e tij të gjashtë pa asnjë marrëveshje paqeje në horizont. Raportet nga CBS Neës dhe Ëashington Post sugjerojnë se SHBA-ja ka shteruar pjesën më të madhe të raketave me precizion të lartë gjatë operacioneve duke shkaktuar përplasje mes Presidentit Trump dhe Sekretarit të Mbrojtjes, Pete Hegseth. Administrata po përpiqet të qetësojë opinionin publik mbi forcën e rezervave, ndërsa theksohet vështirësia në prodhimin e shpejtë të këtyre armatimeve. Presidenti Trump paralajmëroi gjithashtu dënime afatgjata me burg për ata që zbuluan të dhënat e klasifikuara për raketat, ndërsa Pentagoni po shtrëngon kontrollet mbi mediat. Sipas një analize, SHBA ka shpenzuar rreth 60% të raketave mbrojtëse THAAD dhe një pjesë të madhe të arsenalit Patriot, gjë që pritet të detyrojë Pentagonin të mbajë raketat mbrojtëse "Patriot" dhe të ngrijë furnizimet për Ukrainën. Ekspertët ushtarakë paralajmërojnë se zëvendësimi i shpejtë i këtyre municioneve të përdorura është mjaft i vështirë, pasi armët moderne kërkojnë afate jashtëzakonisht të gjata financimi, porositjeje dhe prodhimi.