Bllokada detare e Presidentit Donald Trump është përpjekja më e fundit për të testuar teorinë se fuqia superiore amerikane do të gjunjëzojë Republikën Islamike. Strategjia, shpjegon CNN, bazohet në një premisë të thjeshtë: kufizimi i eksporteve të naftës së Iranit dhe i importeve që ruajnë normalitetin e saj, do të shkaktojë një kolaps të shpqërisë, e do krijojë kështu një presion të papërballueshëm mbi regjimin për t’u dorëzuar ndaj kërkesave të SHBA-së e për të hequr dorë një herë e përgjithmonë nga programi bërthamor. Donald Trump duket se është i bindur që bllokada e Shteteve të Bashkuara do të funksionojë, dhe në fundm regjimi iranian do të dorëzohet. Zyrtarët amerikanë flasin për inflacion të lartë, humbje katastrofike të vendeve të punës dhe mungesa rtë mnëdha furnizimi në Teheran, ck ai shtyn të mendojnë se bllokada dyjavore po funksionon. “Ekonomia e tyre është në vështirësi të mëdha. Është një ekonomi e vdekur,” deklaroi Trump. Ndërkohë, deklarata e tij për zgjatjen e kësaj bllokade u bë shkas për një tjetër rritje të cmimit të naftës, i cili shënoi nivelin më të lartë që nga 2022-shi, duke kapërcyer 126 dollarët për fuci, mes frikës së tregtarëve për një konflikt të zgjatur SHBA-Iran. Nafta Brent, që është dhe treguesi global, u rrit më shumë se 12% gjatë natës. Çmimet globale të naftës kanë shënuar rritje ditët e fundit, pasi negociatat direkte mes SHBA-së dhe Iranit u shembën, duke mbajtur të mbyllur ngushticën e Hormuzit. Presidenti amerikan e bëri edhe një tjetër provokim, pasi postoi në Truth Social një hartë të Hormuzit, në të cilin kalimi strategjik ujor ishtë shënuar me emrin: Ngushtica Trump!