Kryeministri kanadez Mark Carney po përgatitet të ndërmarrë lëvizjen e tij më të fortë deri tani kundër Donald Trump, dhe kjo eshtë vendosja e tarifave hakmarrëse ndaj Shteteve të Bashkuara. Carney pritet t`i përshkallëzojë tensionet tregtare, duke njoftuar eedhe ai tarifa ndaj SHBA-së, ndërkohë që Trumpi u ka kërkuar liderëve kanadezë të “vihën në rresht”, në të kundërt, rrezikojnë sipas tij të përballen me pasoja “SHUMË më të këqija” se tarifat aktuale. Bisedimet tregtare mes SHBA-së dhe Kanadasë dështuan të premten, pasi Carney u tërhoq nga negociatat vetëm disa orë përpara se të hynin në fuqi tarifat 50 për qind të Trumpit mbi mallrat kanadeze me vlerë 20 miliardë dollarë. Trump së fundi tregoi se synon t’i rrisë në 50 për qind edhe tarifat për automjetet, pjesët e automjeteve dhe çelikun e importuar nga Kanadaja. Të dy liderët kanë shkëmbyer deklarata të ashpra, dhe kryeministri kanadez la të kuptohet se vend ii tij duhet të kundërpërgjigjet.