Kandidati që pritet të sigurojë emërimin e Partisë Republikane për garën presidenciale, Donald Trump thotë se do t’i rikthehet sërish rishikimit të ligjit amerikan për emigracionin, duke mos lejuar hyrjen në Shtetet e Bashkuara të Amerikës të qytetarëve nga disa vende myslimane. Sipas Zërit të Amerikës, Trump ka deklaruar se në rast fitoreje do të rikthejë vendimin për t’u ndaluar hyrjen në Shtetet e Bashkuara shtetasve të disa vendeve me shumicë myslimane, që në ditën e parë që do të hyjnë në zyrë. Gajti mandatit të tij të parë si president Trump nxori ndaloi hyrjen në SHBA të shtetasve nga 7 vende me shumicë myslimane duke nxitur protesta dhe padi ligjore, urdhër i cili u shfuqizua më pas nga presidenti Joe Biden. Në atë kohë Trump deklaronte se me këtë vendim do të mbante larg SHBA-ve terrorristët radikalë islamikë. Përpara mbështetësve në Viskons, zoti Trump tha sërish se kësaj herë ishin ngjarjet që po ndodhnin në Lindjen e Mesme ato që e kanë bindur të rithejë ndalimin e udhëtimit nga disa shtete. “Ne nuk kemi nevojë për xhihad në Shtetet e Bashkuara. Nuk kemi nevojë që qytetet tona të shndërrohen në vatra terrorizmi. Në ditën e parë të presidencës sime do të rikthej ndalimin e udhëtimit, duke pezulluar hyrjen e refugjatëve dhe mbajtur larg vendit tonë terrorristët, siç kam bërë më parë”. Ndryshe nga Trump, zoti Biden në këtë fushatë ka vlerësuar lart kontributin e emigrantëve në Shtetet e Bashkuara. Emigrantët po na bëjnë më të fortë, tha ai përpara një grupi donatorësh.