Biden nga zgjedhjet presidenciale te ketij viti, duke thënë se ish-kundërshtari i tij "nuk ishte i aftë për të kandiduar". Trump e publikoi deklaratën në rrjetin Truth Social, duke shkruar: "I pandershmi Joe Biden nuk ishte i përshtatshëm për të kandiduar për President dhe sigurisht nuk është i përshtatshëm për të qene ne detyre - dhe kurrë nuk ishte!" Sipas Trump, "të gjithë personat rreth tij, përfshirë doktorin dhe mediat, e dinin se ai nuk ishte i aftë të ishte President." Donald Trump vazhdoi të përmendte disa nga argumentet e perseritura te fushatës së tij me retoriken kunder Biden: "Ne do të vuajmë shumë për shkak të presidencës së tij, por do ta eleminojme shumë shpejt dëmin që ai ka bërë. BËJË AMERIKËN SË MADHE Sërish!" Në fillim të deklaratës së tij, Trump e quajti Biden "presidentin më të keq, deri tani, në Historinë e kombit". Stafi i fushates se ish-presidentit republikan filloi menjëherë mbledhjen e fondve pas njoftimit të Biden, duke shkruar: "TANI, ai sapo u largua nga gara i mbuluar plotesisht nga turpi!"