Presidenti i Shteteve të Bashkuara të Amerikës, Donald Trump, ka thënë se armëpushimi me Iranin është jashtëzakonisht i dobët. “Do të thoja se armëpushimi njësoj si në atë situatën kur vjen mjeku dhe të thotë: ‘Zotëri, i afërmi i juaj ka rreth 1% shanse që të mbijetojë...”, ka thënë Trump. Kreu i Shtëpisë së Bardhë theksoi se përgjigjja e Iranit ndaj planit të paqes amerikan ishte një "budallallëk" që ngjante me "një copë mbeturine", të ciklin as nuk e e kishte lexuar deri në fund. Pas refuzimit të Iranit për të pranuar planin e paqes së SHBA-së, Trump tha se armëpushimi është jashtëzakonisht i dobët. Ai tha se plani i paqes i propozuar nga stafi i tij është më i miri i mundshëm dhe është shumë i thjeshtë. "Irani nuk mund të ketë armë bërthamore dhe ata nuk do të ketë armë bërthamore. Nëse Iranit i lejohet të ketë armë bërthamore, atëherë Lindja e Mesme do të zhduket. Izraeli do të zhdukej. Dhe ndoshta më pas do të godiste Evropën. Ne po i bëjmë një shërbim botës", tha Trump. Presidenti amerikan shtoi se ende beson se mund të negociohet me udhëheqjen e Iranit dhe se është ende e mundur që të ketë një marrëveshje diplomatike mes dy vendeve.