Një universitet elitar francez u vu në qendër të vëmendjes kombëtare të mërkurën pasi drejtori i tij dha dorëheqjen për shkak të dhunës së dyshuar në familje, pikërisht ndaj partneres së tij. Matias Visherat, drejtor i universitetit prestigjioz “Sciences Po” në Paris, tha se ai po jepte dorëheqjen pasi u urdhërua nga autoritet të dilte në gjyq për një rast të dhunës në familje. Studentët kërkuan menjëherë dorëheqjen e tij pasi ai dhe partnerja e tij Anisa Bonfont u ndaluan për një kohë të shkurtër në dhjetor, duke akuzuar njëri-tjetrin për dhunë në familje. “Sciences Po”, i themeluar në 1872, është një gur themeli me ndikim të jashtëzakonshëm në elitën e arsimit francez dhe një djep i pushtetit politik. Lista e të diplomuarve aty përmban edhe presidentin Emmanuel Macron si dhe disa ish-liderë francezë e të huaj, si dhe emra kryesorë në letërsi, media, kulturë dhe modë.