Kjo e shtunë u shndërrua në makth, pasi dy trena u përplasën në qytetin francez të Strasburgut. Situata e krijuar ka qenë kaotike, teksa të lënduar si pasojë e përplasjes kanë mbetur 50 persona. Pesë prej tyre janë në gjendje kritike për jetën. Deri më tani nuk dihen detajet të cilat kanë sjellë aksidentin, ndërsa autoritetet janë në vendin e ngjarjes. Rreth vendit të ngjarjes është vendosur një kordon sigurie, teksa pas marrjes së njoftimit ambulancat dhe policia i erdhi në ndihmë të lënduarve. Pamjet e xhiruara menjëherë pas përplasjes tregojnë njerëz të shtrirë në tokë dhe të alarmuar. Mediat vendase raportojnë se treni ka dalë nga shinat për shkak të përplasjes. Strasburgu është qyteti i parë i madh francez që riktheu tramvajet në shërbim në vitin 1994 dhe që prej asaj kohe nuk ka pasur aksidente të mëdha.