Një 36-vjeçar u vra mbrëmjen e të shtunës në fshatin Gjorm të Selenicës. Viktimë mbeti shtetasi Dalan Alliaj, i cili është qëlluar me gjashtë plumba, dyshohet nga kushëriri i tij. Menjëherë në vendngjarje shkuan policia dhe ambulanca, ku 36-vjeçari ndërroi jetë para se të mbërrinte në spital. Policia njofton se autori i dyshuar i vrasjes është djali i xhaxhit të 36-vjeçarit, shtetasi Bertil Alliaj. Ky i fundit është një nga autorët e masakrës së Çoles, e ndodhur në vitin 2015, ku mbetën të vrarë shtetasit Haki Rakipi, Ardi Velaj dhe Albi Limaj. Forcat e rendit, FNSH, bashku me ekspertët e kriminalistikës, kanë bërë këqyrjen e vendngjarjes dhe kanë shoqëruar pesë persona pesë persona, përfshirë djalin tjetër të xhaxhait të viktimës, i cili ka qenë me 36-vjeçarin, si dhe kryeplakun e fshatit, dhe tre banorë të tjerë, që mund të kenë dijeni për ngjarjen.