Një ngjarje e rëndë është shënuar sot në sheshin Leicester të Londrës, ku një vajzë e mitur 11-vjeçare dhe nëna e saj, janë sulmuar me thikë. Sipas CNN, për sulmin e rëndë është vënë në pranga një person, ndërsa nënë e bijë janë dërguar në spital. Policia tha se nuk beson se ka ndonjë të dyshuar tjetër për ngjarjen, ndërsa po vijojnë hetimet për zbardhjen e rrethanave. Për fat të mirë, të dyja të plagosurat ndodhen jashtë rrezikut për jetën. Kjo ngjarje vjen dy javë pas sulmit me thikë në Southport, në veriperëndim të Anglisë, ku mbetën të vrarë tre vajza dhe u plagosën tetë fëmijë të tjerë, si dhe dy të rritur. Goditja masive me thikë shkaktoi trazira në të gjithë Anglinë, pas thashethemeve në internet se sulmuesi ishte një azilkërkues mysliman. Një adoleshent me origjinë britanike është i dyshuari për vrasje dhe tentativë vetëvrasje.