“Përdorimi i mundshëm i armëve taktike bërthamore nga Shtetet e Bashkuara në Iran do të ishte një zhvillim katastrofik, ndërsa vrasja e liderit suprem Kahmenei, do të hapte “kutinë e Pandorës”. Kështu i komentoi zëdhënësi i Kremlinit, Dmitry Peskov, zhvillimet e fundit në Lindjen e Mesme, i cili shtoi se Rusia do ta kundërshtonte fuqimisht një plan të Izraelit për të vrarë Ajatollah Ali Khamenein “Kjo do të çojë në një veprim që vjen nga brenda Iranit. Do të çonte në lindjen e atmosferave ekstremiste në Iran dhe ata që flasin për (vrasjen e Khameneit), duhet ta mbajnë mend këtë”, tha Peskov. Për zëdhënësin e Kremlinit ndryshimi i regjimit në Iran është i paimagjinueshëm. “Duhet të jetë i papranueshëm, madje edhe të flasësh për këtë duhet të jetë e papranueshme për të gjithë”, u shpreh ai. Qëndrimi i Kremlinit vjen pas deklaratave të presidentit të Shteteve të Bashkuara, Donald Trump, tha se të vendosë brenda dy javësh nëse Amerika do t’i bashkohet fushatës ushtarake të Izraelit kundër Teheranit.