Tre javë bombardime shkatërruese për Gazën kanë shkaktuar të paktën 7300 palestinezë të vdekur, ndërsa sipas OBSH-së 40 përqind e tyre janë fëmijë. Shpërthimet po vijojnë ende në disa zona në Rripin e Gazës, ndërsa më i prekur mbetet Rafah. Komiteti Ndërkombëtar i Kryqit të Kuq ka zbarkuar një ekip mjekësor dhe kirurgjik në epiqendrat e sulmeve me raketa, për të mbështetur kujdesin e të plagosurve. Dhjetë kamionë të tjerë ndihma që transportonin ujë, ushqim dhe furnizime mjekësore janë lejuar të hyjnë në Gaza të shoqëruar nga një ekip mjekësor. Asnjë karburant nuk është lejuar të kalojë kufirin që nga fillimi i luftës, dhe se rezervat po përfundojnë, duke rrezikuar ambulancat dhe opsione të tjera në dispozicionin e spitaleve që ndihmojnë në shpëtimit të jetëve të palestinezëve të prekur. Ndërkohë bota islame, ku përfshihet Bejrut, Liban, Jordani, Jemen dhe Turqi, ka pasur protesta masive në shenjë solidariteti me të prekurit në Gaza. Nga ana tjetër mediat e Izraelit raportuan për tre persona të plagosur si pasojë një sulmi me raketa në Tel Aviv, kryesisht në një ndërtesë apartamentesh. Militantët e Hamasit kanë vrarë 1400 persona që nga nisja e sulmeve të befasishme në territoret izraelite gjatë 7 tetorit dhe 229 të tjerë janë marrë peng nga ata. Pamjet: AFP