Dhuna dhe kaosi “pushtoi” një pjesë të kryeqytetit të Dublinit këtë të Entje. Dhjetëra të rinj, pushtuan rrugët dhe u përleshën me policinë. Ende nuk dihet shkaku I protestës, ndërsa BBC, duke iu referuar raportimeve thotë se e gjithë revolta erdhi pas një plagosje që ndodhi pranë një shkolle fillore në qendër të Dublinit, ku një person sulmoi me thikë tre fëmijë të mitur dhe dy të rritur duke I plagosur rëndë. Agresori u prangos nga policia, por në mënyrë të pakuptimtë dhjetëra protestues u mblodhën pranë qendrës së kryeqytetit irlandez dhe filluan trazirat, duke djegur një makinë policie dhe dy autobusë dykatësh. Si rrjedhojë e trazirave, I gjithë transporti publik njoftoi pezullimin e linjave pranë Sheshit Parnell East dhe rrugës O'Connell. Policia I quajti protestuesit pjesë e një fraksioni huliganësh të ekstremit të djathtë. Ndërkohë sipas bbc, deri më tani raportohet për shumë të plagosur si në radhët e protestuesve ashtu dhe tek uniformat blu. Pamjet: AFP