Fermerë demonstrues në Ren, në veriperëndim të Francës bllokuan sot rrugët me traktorët e tyre duke protestuar për rritjen e paprecedentë të çmimit të larburanteve. Kreu i shoqatës bujqësore vendase Joseph Cornu, tha se rritja e çmmit të karburanteve për të punuar tokën është e papranueshme. "Ne protestojmë për çmimin e karburanteve për mjetet jo-rrugore. Vitin e kaluar paguanim rreth 70 cent për të punuar 1 metër katrorë tokë, ndërsa tani paguajnë 1.40, 1.5 euro. “ “Rritja është e madhe, makineritë tona konsmojnë shumë karburant. Përdorim 35 litra në orë me traktorët dhe 1,000 litra nedite për makinat korrëse shirëse”, tha Cornu. Një tjetër fermer ankohej për atë që do të ndodhte nëse rritja reflektohej te produktet e tyre për konsumatorin. "Dikush mud të thotë të kalojmë mekanikisht atë që na imponohet te klientët, por kjo nuk mund të realizohet sepse nuk i caktojmë ne çmimet e shitjes”. Fermeri 34 vjeçar Pierre Hamon, tha se kishte dalë në protestë për të ngritur zërin e sektorit bujqësor. "Jemi këtu sepse jemi të panjohur, megjithse ndihmojmë fermerët të prodhojnë”. “Sot ka gjithnjë e më pak njerëz në botën e bujqësisë dhe ne duhet të kujdesemi për fushat e kafshët”. “Kjo rritje e çmimit të karburantit ka pasoja direkte te ne sepse është pjesa thelbësore e punës tonë”, tha ai.