Këto janë pamjet e rënda, kur vajza 6-vjeçare, që u shpëtua nga zjarri në Maliq, mbërrin në QSUT, në gjendje të rëndë shëndetësore. E mitura po lufton për jetën, pasi zjarri që përfshiu banesën, duke iu marrë jetën nënës dhe vëllait të saj, i shkaktoi djegie të shumta në trup. Ministria e Shëndetësisë njofton se “pas vlerësimit të gjendjes shëndetësore, e mitura, në gjendje kritike për jetën, u hospitalizua menjëherë në Shërbimin e Terapisë Intensive të Pediatrisë në QSUT, ku po trajtohet nga mjekët pediatër, reanimatorë dhe specialistët e djegie-plastikës, sipas të gjitha protokolleve mjekësore në fuqi”. Në spital shkoi dhe ministrja e Shëndetësisë, Evis Sala, për të ndjekur nga afër trajtimin mjekësor të të miturës, ndërkohë që ministria shpreh ngushëllime për humbjen tragjike të dy familjarëve të 6-vjeçares.