Video që po bë xhirron e mediave europiane pasqyron një aksident të tmerrshëm rrugor në Rumani që ka tronditur mbarë Greqinë . Është një furgon me tifozë të ekipit grek PAOK të Selanikut ,të cilët udhëtonin drejt Francës për të ndjekur ndeshjen kundër Lionit në Europa League, I cili siç duket përfshihet në një përplasje fatale në autostradën pranë qytetit Lugoj. Bilanci është tragjik: 7 persona humbën jetën dhe 3 të tjerë mbetën të plagosur rëndë. Të gjithë udhëtarët ishin të moshës 25 deri në 30 vjeç. Pesë prej viktimave ishin nga Aleksandria e Imathias, dy nga Katerini, ndërsa tre nga Selaniku. Autoritetet grek kanë konfirmuar se mes 7 personave që kanë humbiur jetën ndodhej 29 vjecari Vasil Palo me origjinë nga Korca. Ndërsa mes 3 të plagosurve, në gjendje më të mirë se të tjrët ishte edhe një shqiptar tjetër, Genci Sadiku , I cili ka njoftuar policinë rrugore për aksidention. Sipas autoriteteve rumune, furgoni tentoi të parakalonte një kamion-cisternë, por gjatë rikthimit në korsi u përplas fillimisht me të dhe më pas u hodh në krahun e kundërt të rrugës, ku u përplas me një kamion tjetër. Në aksident u përfshinë gjithsej katër mjete.