Pushimet familjare u kthyen në tragjedi në Ksamil, ku 4-vjeçarja Ajla Marku humbi jetën pasi u përplas aksidentalisht nga automjeti që drejtonte babai i saj, Ergys Marku.Ngjarja e rëndë ndodhi rreth orës 11:30 të paradites, në një parkim privat pranë plazhit në Ksamil. Familja, me origjinë nga Lezha, kishte vetëm pak ditë që kishte mbërritur në Ksamil për pushime.Në momentin e ngjarjes, babai ishte duke kryer manovrën e parkimit me automjetin tip “Audi”, ndërsa në rrethana që po hetohen, ka goditur aksidentalisht vajzën e tij 4-vjeçare, e cila ndodhej në hapësirën e parkimit.Përplasja ka qenë fatale për të miturën, e cila ka humbur jetën në vendngjarje.Në parkimin privat pranë plazhit ka mbërritur menjëherë grupi hetimor, ndërsa policia po kryen veprimet e nevojshme për të dokumentuar ngjarjen dhe për të zbardhur të gjitha rrethanat e saj.